پشاور/ ملتان : پاکستان تحریک انصاف پشاور کے مقامی رہنما نے عدالت سے ضمانت ملنے کے بعد پی ٹی آئی چھوڑنے کا اعلان کردیا۔
تفصیلات کے مطابق 9مئی کے کیس میں گرفتار ہونے والے پی ٹی آئی کارکن شہریار نے ملتان میں پریس کانفرنس کی۔
شہریار بھٹہ کا کہنا تھا کہ9 مئی کے واقعات کی مذمت کرتا ہوں، ہم نے بےگناہ قید کاٹی ،ایک ماہ جیل میں رہے۔
انہوں نے کہا کہ پارٹی نے ہمیں ٹیشو پیپر کی طرح استعمال کیا، عہدے سے استعفا اور پارٹی سے لاتعلقی کا اعلان کرتا ہوں۔
قبل ازیں 9مئی کے کیس میں گرفتار ہونے والے پی ٹی آئی کارکن شہریار کی درخواست ضمانت پر سماعت ہوئی انسداد دہشت گردی کی عدالت (اے ٹی سی) نے ملزم شہریار کی ضمانت منظور کرکے رہا کرنے کا حکم دے دیا۔
اس حوالے سے پولیس کا کہنا ہے کہ ملزم کو ویڈیو سوشل میڈیا پر وائرل ہونے والی ویڈیو پر گرفتارکیا گیا تھا، ملزم نے گرفتاری سے بچنے کیلئے مونچھیں بھی منڈوالی تھیں۔
