پی ٹی آئی رہنما مزمل اسلم نے کہا ہے کہ حکومت 6 دن سے بغیر کابینہ کے ہے، اللہ خیر کرے، اگر کابینہ بن بھی گئی تو کام کوئی نہیں کرے گا۔
پی ٹی آئی رہنما مزمل اسلم نے سماجی رابطوں کی ویب سائٹ ٹوئٹر پر ٹوئٹ کیا ہے جس میں حکومت 6 دن سے بغیر کابینہ کے ہے، اللہ خیر کرے، اگر کابینہ بن بھی گئی تو کام کوئی نہیں کرے گا کیونکہ تمام پارٹیوں کے اپنے اپنے مفادات ہیں الیکشن ہی واحد حل ہے۔
چھ دن بغیر کابینہ کے، اللہ خیر کرے۰ اگر کابینہ بن بھی گئ تو کام کوئ نہیں کرے گا، کیونکہ سب پارٹیوں کے اپنے اپنے مفادات ہیں۰ الیکشن واحد حل۰ #امپورٹڈ_حکومت_نامنظور
— Muzzammil Aslam (@MuzzammilAslam3) April 16, 2022
ایک اور ٹوئٹ میں مزمل اسلم نے لکھا کہ اپنے دور اقتدار میں عمران خان نےکوئی کیمپ آفس نہیں رکھا، کوئی نجی دورہ نہیں کیا۔
انہوں نے مزید کہا کہ عمران خان نے کوئی کاروبار نہیں کیا، کسی کرپشن میں ملوث نہیں لیکن یہ لوگ مکمل قانونی توشا خانہ معاملے میں کردار کشی کرنے نکلے ہیں۔
عمران خان جس نے کوئ کیمپ آفس نہیں رکھا، کوئ نجی دورہ نہیں کیا، کوئ کاروبار نہیں کیا، کسی کرپشن میں ملوث نہیں۰ یہ لوگ اس کی کردار کشی کرنے نکلے مکمل قانونی توشا خانہ معاملے میں۰ اس کی مقابلے میں ان کی حکومت کے 5 دن مکمل ہوۓ جس میں پانچ افطار ڈنر اور 3 کیمپ آفس لے چکے ہیں۰ کوئ شرم https://t.co/Bkc91HsI26
— Muzzammil Aslam (@MuzzammilAslam3) April 16, 2022
مزمل اسلم نے ٹوئٹ میں حکومت پر طنز کرتے ہوئے لکھا کہ ان کی حکومت کے 5 دن مکمل ہوئے، ان 5 دنوں میں یہ 5 افطار ڈنراور 3 کیمپ آفس لے چکے ہیں، کوئی شرم؟
