شیخ رشید کو پبلک اکاؤنٹس کمیٹی کا ممبر بنانے پر پی ٹی آئی میں بھی آوازیں اٹھنے لگیں
The news is by your side.

Advertisement

شیخ رشید کو پبلک اکاؤنٹس کمیٹی کا ممبر بنانے پر پی ٹی آئی میں بھی آوازیں اٹھنے لگیں

اسلام آباد: وزیر ریلوے شیخ رشید کی پبلک اکاؤنٹس کمیٹی میں ممکنہ شمولیت کیخلاف پی ٹی آئی میں بھی آوازیں اٹھنے لگیں، تحریک انصاف کے رہنماراجہ ریاض کا کہنا ہے پبلک اکاؤنٹس کمیٹی میں شیخ رشیدکی ضرورت نہیں، کمیٹی میں پی ٹی آئی کےارکان موجود ہیں، شہبازشریف نےکچھ غلط کرنےکی کوشش کی تو بھرپور مخالفت کریں گے۔

تفصیلات کے مطابق وزیر ریلوے شیخ رشید کو پبلک اکاؤنٹس کمیٹی کا ممبر بنانے پر حکومتی جماعت میں بھی مخالفت شروع کردی ہے، تحریک انصاف کے رہنما بھی شیخ رشید کے معاملے پر بول پڑے اور پی ٹی آئی ممبر راجہ ریاض نے شیخ رشید کو شامل نہ کرنے کی رائے دے دی ہے۔

راجہ ریاض نے کہا شیخ رشید کو پی اے سی کا ممبر بنانے کی ضرورت نہیں، پبلک اکاؤنٹس کمیٹی میں تحریک انصاف کےارکان موجودہیں، شہبازشریف جہاں غلط کام کرنا چاہیں ہم رکاوٹ بنیں گے۔

تحریک انصاف کے رہنما کا کہنا تھا کہ تمام ممبران کمیٹی میں دیانتداری سےکام کریں گے ، جو بھی ملک کے مفاد میں ہوگا، پی اے سی میں وہ کام ہوگا۔

مزید پڑھیں : وزیر اعطم وزیر ریلوے ملاقات: شیخ رشید کا پی اے سی کے لیے نامزدگی پر اظہار تشکر

وزیراعظم عمران خان سے وزیر ریلوے شیخ رشید کو پبلک اکاؤنٹس کمیٹی کا ممبر نامزد کیا تھا، بعد ازاں ملاقات میں شیخ رشید نے پی اے سی ممبر نامزدگی پر وزیراعظم کا شکریہ ادا کیا تھا۔

یاد رہے کہ اس وقت اپویشن لیڈر شہباز شریف پی اے سی کے چیئرمین ہیں، شہباز شریف کے خلاف بدعنوانی کے تحت مقدمات جاری ہیں، جن کے باعث حکومت کی جانب سے شہباز شریف پر شدید تنقید جاری ہے۔

خیال رہے کہ وفاقی کابینہ کا اجلاس میں شہباز شریف سے پی اے سی کی چیئرمین شپ سے استعفیٰ دینے کا مطالبہ کیا گیا ہے۔

Comments

comments

یہ بھی پڑھیں