اسلام آباد : پاکستان تحریک انصاف کے ایک اور رہنما نے پارٹی سے علیحدگی کا اعلان کرتے ہوئے چیئرمین عمران خان کو خدا حافظ کہہ دیا۔

صوابی سے تعلق رکھنے والے پی ٹی آئی کے رہنما ارشاد خان نے ایک پریس کانفرنس میں کہا کہ میں آج سے باقاعدہ پی ٹی آئی چھوڑنے کا اعلان کررہا ہوں۔

اپنی گفتگو میں ان کا کہنا تھا کہ 3سال پہلے پی ٹی آئی کو جوائن کیا تھا، میں نے کہا تھا کہ میرے کچھ مطالبات ہیں، میں نے کہا تھا کہ ہر ممبر اسمبلی میں قانون سازی کے لیے جاتا ہے۔

ارشادخان نے بتایا کہ کہا بھی تھا کہ فضل الرحمان کا ہرجلسے ہر پروگرام میں نام لیتے ہو یہ نہ کرو، میں نے کہا تھا کہ الزام تراشی اور ایسے کام نہیں کریں مشکل میں پڑجائیں گے۔

انہوں نے مزید کہا کہ میں نے بتایا کہ قانون سازی کرو بلاوجہ الزام تراشیوں سے دور رہو، میں نے یہ بھی کہا تھا کہ گالم گلوچ کی سیاست کا حصہ نہیں بنوں گا۔ آپ لوگ اپنی مشکلات میں خود اضافہ کررہے ہیں۔