تازہ ترین

’کل بجلی کا بریک ڈاؤن غفلت کی وجہ سے ہوا‘

پاکستان تحریک انصاف (پی ٹی آئی) کے رہنما عمر ایوب خان نے کہا کہ کل بجلی کا بریک ڈاؤن غفلت کی وجہ سے ہوا۔

پی ٹی آئی کے رہنما عمر ایوب خان نے بیان میں کہا کہ وزیر توانائی کی پریس کانفرنس کو مسترد کرتے ہیں، کل بجلی کا بریک ڈاؤن غفلت کی وجہ سے ہوا۔

انہوں نے کہا کہ حکومت ایندھن کی بچت کرنا چاہتی تھی، بڑھتے بوجھ کو مینج کرنے کیلئے آن لائن پلانٹس ناکافی تھے۔

عمر ایوب کا مزید کہنا تھا کہ  بنیادی مسئلہ یہ ہے کہ حکومت نے ملک کو دیوالیہ کردیا ہے ایندھن سمیت دیگر اشیاءکی خریداری کیلئے ان کے پاس ڈالر ختم ہو چکے ہیں۔

پاور پلانٹس دوبارہ چلنے میں 3 دن لگیں گے، پورے ملک میں بجلی بحال ہوچکی: وزیر توانائی کے متضاد بیانات

اسلام آباد میں پریس کانفرنس کرتے ہوئے وزیر توانائی خرم دستگیر نے کہا تھا کہ ملک میں این ٹی ڈی سی کے 1112 گرڈ اسٹیشنز ہیں جو کو بحال کردیا ہے جس کے بعد ملک بھر میں بجلی کا نظام مکمل بحال ہوچکا ہے۔

وزیر توانائی کا کہنا تھا کہ جوہری پلانٹ کو دوبارہ شروع ہونے میں 24 سے 48 گھنٹے چاہئیں جب کہ کوئلے کے پلانٹ کو بھی 48 گھنٹے چلانے کیلئے درکار ہوتے ہیں اس لیے اگلے 48 گھنٹوں میں ملک میں بجلی کی کمی رہے گی جس وجہ سے اگلے 48 گھنٹوں میں ملک میں لوڈشیڈنگ رہے گی، پرسوں تک سب کچھ بحال ہوجائے گا۔

Comments

- Advertisement -