پاکستان تحریک انصاف کے رہنماؤں فواد چوہدری اور حماد اظہر نےحکومت کی جانب سے ایک ہفتہ کے دوران پیٹرول کی قیمت میں 60 روپے اضافہ کرنے پر تنقید کرتے ہوئے کہا کہ امپورٹڈ حکومت کی معاشی پالیسیاں ہمارے لئے تباہ کن ثابت ہورہی ہے۔
سماجی رابطے کی ویب سائٹ ٹوئٹر پر اپنے بیان میں کہا کہ ایک طرف حکومت نے ایک ہی ہقتے میں 60 روپے فی لیٹر پٹرول اور ڈیزل کی قیمت میں اضافہ کردیا ہے، دوسری طرف بھارت روس سے سستا تیل خرید کر اپنے لوگوں کے لئے قیمتیں کم کر رہا ہے۔
انہوں نے کہا کہ آزاد خارجہ پالیسی نہ ہونے کی قیمت اب پھر قوم ادا کرے گی، امپورٹڈ حکومت کی روس سے بات کرتے بھی ٹانگیں کامپتی ہیں۔
آزاد خارجہ پالیسی نہ ہونے کی قیمت اب پھر قوم ادا کرے گی۔ ایک ہی ہقتے میں 60 روپے فی لیٹر پٹرول اور ڈیزل کی قیمت میں اضافہ۔ بھارت روس سے سستا تیل خرید کر اپنے لوگوں کے لئے قیمتیں کم کر رہا ہے۔ پاکستان میں امپورٹڈ حکومت کی روس سے بات کرتے بھی ٹانگیں کامپتی ہیں۔
— Hammad Azhar (@Hammad_Azhar) June 2, 2022
فواد چوہدری نے کہا کہ پٹرولیم مصنوعات میں ساٹھ روپے اضافہ اور بجلی میں سات روپے فی یونٹ اضافہ کا مطلب پاکستان کی مڈل کلاس کا خاتمہ ہے، اس حکومت کی معاشی پالیسیاں ہمارے لئے تباہ کن ہیں۔
انہوں نے کہا کہ پوری حکومت اس بحران سے نبٹنے کی بجائے مخالفین کیخلاف بغاوت کے مقدمے درج کرانے میں مصروف ہے۔
پٹرولیم مصنوعات میں ساٹھ روپے اضافہ اور بجلی میں سات روپے فی یونٹ اضافہ کا مطلب پاکستان کی مڈل کلاس کا خاتمہ ہے، اس حکومت کی معاشی پالیسیاں ہمارے لئے تباہ کن ہیں اور پوری حکومت اس بحران سے نبٹنے کی بجائے مخالفین کیخلاف بغاوت کے مقدمے درج کرانے میں مصروف ہے
— Ch Fawad Hussain (@fawadchaudhry) June 2, 2022
یہ بھی پڑھیں: حکومت نے پیٹرولیم مصنوعات کی قیمتوں میں پھر اضافہ کردیا
خیال رہے کہ حکومت نے پیٹرولیم مصنوعات کی قیمتوں میں ایک ہفتہ کے دوران دوسری بار 30 روپے کا اضافہ کردیا ہے جس کے بعد ملک میں پیٹرول کی قیمت نے ڈبل سینچری کرلی ہے اور فی لیٹر قیمت 209 روپے 86 پیسے ہوگئی ہے۔
