بونیر: چیئرمین پی ٹی آئی بیرسٹر گوہر نے کہا ہے کہ بعض پی ٹی آئی رہنما الزام تراشیاں بند کریں، ثبوت ہیں تو میرے پاس لیکر آئیں۔
تفصیلات کے مطابق پاکستان تحریک انصاف کے چیئرمین بیرسٹر گوہر کا الزامات کے حوالے سے کہنا تھا کہ کسی کے پاس ثبوت ہیں تو میرے پاس لیکرآئے ایکشن لیا جائیگا، پی ٹی آئی سیاسی جماعت ہے، سیاسی جدوجہد پر یقین رکھتے ہیں۔
انھوں نے کہا کہ تحریک انصاف ہر قسم کے تشدد کی مذمت کرتی ہے، تحریک انصاف نے کبھی کسی کوتشدد پر نہیں اکسایا، تمام مسائل کا حل خوش اسلوبی سے ڈھونڈا چاہتے ہیں۔
بیرسٹر گوہر نے کہا کہ حکومت کیخلاف ہماری ایک لمبی چارج شیٹ ہے، حکومت نے ہمارے مذاکراتی عمل کو کمزوری سمجھا۔
چیئرمین پی ٹی آئی بیرسٹرگوہر نے کہا کہ سیاسی مسائل کا حل اس طرح ڈھونڈیں تو موقع ضائع ہوجاتا ہے، کچھ لوگوں کی کوشش ہے کہ خلیج پیدا ہو، ہم نے پارلیمان چلانے کیلئے کوششیں کیں۔
انھوں نے کہا کہ اسپیکر قومی اسمبلی کا رویہ امتیازی ہے بولنے کا موقع نہیں دیا جاتا، پی ٹی آئی باقی جماعتوں کے ساتھ ملکر جہدوجہد جاری رکھے گی، 18 فروری کو گرفتار کارکنوں کی ضمانتیں منظور ہو جائیں گی۔
