سینیئر سیاستدان شیخ رشید نے کہا ہے کہ اگر الیکشن کمیشن نے نگراں وزیراعلیٰ پر ڈنڈی ماری تو پنجاب الیکشن کا قبرستان بن جائیگا۔
اے آر وائی نیوز کے مطابق پنجاب کے نگراں وزیراعلیٰ کے نام پر حکومت اور اپوزیشن میں اتفاق رائے نہ ہونے اور پارلیمانی کمیٹی میں بھی اس مسئلے کا حل نہ نکلنے کے بعد آج الیکشن کمیشن کا اہم اجلاس ہو رہا ہے جس میں نگراں وزیراعلیٰ کے نام کے حوالے سے فیصلہ کیا جائے گا۔
پنجاب کی سیاسی صورتحال میں سینیئر سیاستدان اور سابق وفاقی وزیر نے ایک تنبیہی بیان اپنے ٹوئٹر اکاؤنٹ سے جاری کیا ہے۔
شیخ رشید نے کہا ہے کہ اگر الیکشن کمیشن نے نگراں وزیراعلیٰ پر ڈنڈی ماری تو پنجاب الیکشن کا قبرستان بن جائےگا۔
سینیئر سیاستدان نے مزید کہا کہ حالات انتہائی سنگین ہیں۔ ملک میں نہ آٹا ہے اور نہ ہی قبر کی زمین میئسر ہے۔ ملک خانہ جنگی کی طرف جا رہا ہے۔
الیکشن کمیشن نے پنجاب کےنگران وزیراعلی پرڈنڈی ماری توپنجاب الیکشن کاقبرستان بن جائےگاغلطی کی گنجائش نہیں۔زرداری کی جیب کی گھڑی گیم چینجروں کی ہاتھ کی چھڑی الیکشن سلیکشن میں بدل دےگی۔حالات انتہائی سنگین ہیں نہ آٹانہ قبرکی زمین میسر ہےملک خانہ جنگی کی طرف جارہاہےکل وطن واپس آرہاہوں
— Sheikh Rashid Ahmed (@ShkhRasheed) January 22, 2023
نگراں وزیراعلیٰ پنجاب کے تقرر کے حوالے سے سابق وفاقی وزیر خزانہ شوکت ترین نے بھی ٹوئٹ کیا ہے۔
یہ بھی پڑھیں: پنجاب کا نگراں وزیراعلیٰ کون؟ الیکشن کمیشن کا اجلاس آج ہوگا
سابق وزیر خزانہ نے اپنے ٹوئٹ میں لکھا ہے کہ پنجاب آبادی کے لحاظ سے سب سے بڑا صوبہ ہے۔ نگراں وزیراعلیٰ کا قابل اعتبار ہونا ضروری ہے۔
ان کا مزید کہنا تھا کہ الیکشن کمیشن انتخابات کے تقدس کو برقرار رکھنے کیلیے اپنی غیر جانبداری یقینی بنائے۔
Punjab is the largest province of the country and the care taker CM must be credible.Both the PDM candidates are tainted, whereas the PTI candidates are clean and have worked with both the parties. ECP must ensure impartiality to preserve sanctity of the elections.
— Shaukat Tarin (@shaukat_tarin) January 22, 2023