لاہور : پاکستان تحریک انصاف کے سینیٹراعجاز چوہدری نے پارٹی کے آئندہ لائحہ عمل کے حوالے سے اشارہ دے دیا۔
اے آر وائی نیوز سے خصوصی گفتگو کرتے ہوئے ان کا کہنا تھا کہ عیدالفطر کے تیسرے روز لانگ مارچ کی تجویز زیرغور ہے۔
انہوں نے کہا کہ عوام فیصلہ کرچکے ہیں کہ عمران خان ہی ان کا لیڈر ہے، رات12بجے عدالتیں کیوں کھولی گئیں اس کا جواب دینا ہوگا؟
اعجاز چوہدری کا مزید کہنا تھا کہ اگر ہمیں ججوں پر یقین ہوتا تو ہم ایسی باتیں نہ کرتے، آج ملکی تاریخ کی سب سے نااہل کابینہ نے حلف اٹھایا ہے۔
