The news is by your side.

حقیقی آزادی لانگ مارچ کا قافلہ شہر اقتدار کے قریب پہنچ گیا

لاہور: حقیقی آزادی لانگ مارچ کا قافلہ شہر اقتدار کے قریب پہنچ گیا، لانگ مارچ کے شرکا آج جہلم سے دینہ پہنچیں گے،جہاں عمران خان کا خطاب ہوگا۔

تفصیلات کے مطابق تحریک انصاف کے لانگ مارچ کے دوسرے مرحلے کا آٹھویں روز میں داخل ہوگیا ، شاہ محمودقریشی لدھرہاؤس جہلم سے ریلی کی قیادت کریں گے اور جی ٹی روڈ دینہ پر پڑاؤ ہوگا۔

دینہ میں تمام تیاریاں مکمل ہیں، عمران خان ویڈیو لنک پر شرکا سے خطاب کریں گے۔

لانگ مارچ کا دوسراحصہ آج خوشاب میں ہوگا، پی ٹی آئی رہنما اسد عمر کی جانب سے آج شاہ پور سے ریلی نکالی جائے گی جو مختلف راستوں سے ہوتی ہوئی قائد آباد پہنچے گی۔

حقیقی آزادی مارچ قافلے کو خوشاب شہر میں5 مقامات پر استقبالیہ دیا جائے گا اور عمران خان شام ساڑھے 4 بجےبذریعہ وڈیو لنک مارچ کےشرکاسے مخاطب ہوں گے۔

قائد آباد خوشاب میں عمران خان کا خطاب بڑی اسکرین پر دکھایا جائے گا، سیکیورٹی رسک کے باعث شہر بھر کے بازار اور تعلیمی ادارے بند رہیں گے، مارچ کی سیکیورٹی کیلئے 1800 پولیس اہلکار ڈیوٹی پر مامور ہوں گے۔

Comments

یہ بھی پڑھیں