اسلام آباد : تحریک انصاف کے لانگ مارچ کی کامیابی سے حکومت بوکھلاہٹ کا شکار ہوگئی اور ابھی سے آدھا اسلام آباد ریڈ زون بنا دیا۔
تفصیلات کے مطابق عمران خان کا حقیقی آزادی مارچ گوجرانوالہ میں ، اتحادی حکومت نے ابھی سے آدھا اسلام آباد ریڈ زون بنا دیا۔
ریڈ زون میں پولیس ،رینجرز اور فوج تعینات ہو گی اور لانگ مارچ کے شرکا کو ریڈ زون داخلے کی اجازت نہیں ہو گی۔
شہباز حکومت نے ریڈ زون کی باقاعدہ طور پر توسیع کانقشہ بھی جاری کر دیا، جس میں ریڈ زون کا دائرہ زیرو پوائنٹ تک بڑھادیا گیا ہے۔
بلیو ایریا، فیصل مسجد، سیکٹرز ایف سکس اور ایف سیون بھی ریڈ زون میں شامل کر لیے گئے جبکہ اسلام کی آبادی، کاروباری تجارتی مراکز اور کچھ سرکاری دفاتر بھی توسیع شدہ ریڈ زون کا حصہ بن گئے۔
