The news is by your side.

Advertisement

عمران خان کے حقیقی آزادی مارچ سے کیسے نمٹا جائے؟حکومتی اتحاد آج سرجوڑ کر بیٹھے گا

اسلام آباد : حکومتی اتحادی رہنماؤں کا اہم اجلاس آج اسلام آباد میں ہوگا ، جس میں عمران خان کے حقیقی آزادی مارچ سے نمٹنے کیلئے اہم فیصلےمتوقع ہیں۔

تفصیلات کے مطابق اسلام آباد میں حکومتی اتحادیوں کا اہم اجلاس آج ہوگا، جس میں لانگ مارچ ،آئی ایم ایف مذاکرات اور حکومت کےمستقبل پر غور کیا جائے گا۔

اجلاس میں عمران خان کے حقیقی آزادی مارچ سے نمٹنے کیلئے حکمت عملی طے کی جائے گی اور اہم فیصلوں کا امکان ہے۔

یاد رہے وزیراعظم شہباز شریف نے عمران خان کے حقیقی آزادی مارچ کےحوالے سے کہا تھا کہ عمران نیازی خانہ جنگی چاہتا ہے تو یہ اس کی بڑی بھول ہے،عوام گریبان پکڑیں گے،معاف نہیں کریں گے۔

خیال رہے گذشتہ روز وزیراعظم شہباز شریف اور سابق صدر آصف علی زرداری کے درمیان لاہور میں اہم ملاقات ہوئی تھی ، جس میں مختلف اہم امور پر تبادلہ خیال کیا گیا تھا۔

ذرائع کا کہنا تھا کہ ملاقات کے دوران پی ٹی آئی کے اگلے لائحہ عمل اسلام آباد لانگ مارچ کے حوالے سے بھی گفتگو کی گئی اور انتخابی اصلاحات سمیت دیگر امور بھی زیر غور آئے۔

Comments

یہ بھی پڑھیں