اسلام آباد : تحریک انصاف نے پارٹی ارکان کے استعفوں کی مرحلہ وار منظوری پر اسلام آباد ہائی کورٹ کے فیصلے کیخلاف سپریم کورٹ میں اپیل دائرکردی۔
تفصیلات کے مطابق تحریک انصاف کے ارکان کے استعفوں کی منظوری کے معاملے پر پی ٹی آئی نے اسلام آباد ہائی کورٹ کے فیصلے کیخلاف اپیل مکمل کر کے سپریم کورٹ میں جمع کرادی۔
اپیل میں پارٹی ارکان کے مرحلے وار استعفوں کے عمل اور ہائیکورٹ کا فیصلہ چیلنج کیا گیا ہے۔
تحریک انصاف کی جانب سے اپیل ایڈووکیٹ فیصل چوہدری نے دائرکی، جس میں سپریم کورٹ سے اسلام آباد ہائیکورٹ کا فیصلہ کالعدم کرنے کی استدعا کی گئی ہے۔
پی ٹی آئی نے اسپیکرپرویز اشرف کیجانب سےمرحلہ وار استعفوں کی منظوری کوغیرآئینی قرار دینے کی بھی استدعا کی گئی ہے۔
درخواست میں کہا گیا ہے کہ پی ٹی آئی نےعوام سے تازہ میڈیٹ لینے کیلئے قومی اسمبلی سے مستعفی ہونےکا فیصلہ کیا، تحریک انصاف کے ارکان قومی اسمبلی سےاستعفیٰ دے چکے ہیں۔
پی ٹی آئی کا کہنا تھا کہ قاسم سوری نےاسمبلی فلورپرتحریک انصاف کے 125ارکان کےاستعفےمنظوری کااعلان کیا،پرویزاشرف مرحلہ استعفوں کی منظوری طےکردہ اصولوں کی خلاف ورزی ہے۔
