اوچ شریف: سابق ایم پی اے مخدوم افتخار الحسن گیلانی نے پی ٹی آئی چھوڑنے کا باضابطہ اعلان کر دیا۔
تفصیلات کے مطابق پنجاب کے شہر اوچ شریف سے تعلق رکھنے والے تحریک انصاف کے سابق رکن صوبائی اسمبلی افتخار الحسن گیلانی نے پارٹی باضابطہ طور پر چھوڑ دی، ضلعی سینئر نائب صدر ملک آصف اعوان نے بھی تحریک انصاف کو خیر باد کہہ دیا۔
مخدوم افتخار الحسن گیلانی مسلسل 5 مرتبہ ممبر صوبائی اسمبلی رہ چکے ہیں، انھوں نے پارٹی چھوڑنے سے متعلق اپنے بیان میں کہا ’’9 مئی کے واقعات کے تناظر میں پی ٹی آئی کے ساتھ مزید نہیں رہ سکتا۔‘‘
- Advertisement -
پی ٹی آئی چھوڑنے کے سوال پر اسد قیصر کا جواب
انھوں نے کہا ’’پاک افواج ہماری محافظ ہیں، ہرزہ سرائی ہرگز قابل قبول نہیں، شہدا کے مجسموں اور فوجی تنصیبات کے ساتھ جو کیا گیا وہ قابل قبول نہیں۔‘‘
فیض اللہ کموکا نے بھی تحریک انصاف چھوڑ دی
مخدوم افتخار الحسن گیلانی نے کہا کہ وہ آئندہ کا لائحہ عمل دوستوں کی مشاورت سے طے کریں گے۔
