مانسہرہ: پاکستان تحریک انصاف (پی ٹی آئی) پارلیمنٹیرین کے سربراہ پرویز خٹک نے کہا ہے کہ جو راز اور معلومات میرے پاس ہیں وہ کسی کے پاس نہیں ہیں۔
اے آر وائی نیوز کے مطابق پاکستان تحریک انصاف (پی ٹی آئی) پارلیمنٹیرین کے سربراہ پرویز خٹک نے جاری کردہ بیان میں کہا ہے کہ سیاسی لوگ باریاں لیکر ہمیں قرضوں کے دلدل میں پھنساتے گئے۔
پی ٹی آئی پارلیمنٹیرین کے سربراہ کا کہنا تھا کہ مرکز اور صوبے میں حکومت رہی مگر افسوس ہم نیا پاکستان نہ بناسکے، تحریک انصاف نے ساڑھے 3 سال ملک کیلئے کچھ نہیں کیا۔
پرویز خٹک کا کہنا تھا کہ چیئرمین پی ٹی آئی ملک کے تاحیات حکمران اور بادشاہ بننا چاہتے تھے، چیلنج کرتا ہوں کے پی آپ کو چھوڑ کر جارہا ہے روک سکتے ہو تو روک لو۔
پرویز خٹک نے مزید کہا کہ حکومت صرف میری ذاتی کاوش سے بنی تھی، چیئرمین پی ٹی آئی کا کوئی کریڈٹ نہیں تھا، جو راز اور معلومات میرے پاس ہیں وہ کسی کے پاس نہیں ہیں۔
