پارٹی فنڈنگ کیس: سماعت ملتوی کرنے کی درخواست مسترد -
The news is by your side.

Advertisement

پارٹی فنڈنگ کیس: سماعت ملتوی کرنے کی درخواست مسترد

اسلام آباد: الیکشن کمیشن میں پاکستان تحریک انصاف کے وکیل کی جانب سے پارٹی فنڈنگ کیس کی سماعت ملتوی کرنے کی درخواست چیف الیکشن کمشنر نے مسترد کردی۔

تفصیلات کے مطابق الیکشن کمیشن میں تحریک انصاف پارٹی فنڈنگ کیس کی سماعت کے دوران تحریک انصاف کے وکیل نے سماعت آئندہ ہفتے تک ملتوی کرنے کی استدعا کی اور کہا کہ الیکشن کمیشن کے حکم کو ہائیکورٹ میں چیلنج کر دیا ہے۔

چیف الیکشن کمشنر نے استفسار کیا کہ کیا عدالت نے کوئی حکم امتناع جاری کیا ہے۔ وکیل نے بتایا کہ کل ہائیکورٹ میں پٹیشن پر سماعت ہوگی۔

بعد ازاں چیف الیکشن کمشنر کا کہنا تھا کہ کوئی حکم امتناع نہیں تو سماعت کس طرح ملتوی کریں۔ آپ کو جواب جمع کروانے کا آخری موقع دیا تھا۔

تحریک انصاف کے وکیل نے کہا کہ سپریم کورٹ میں بھی اسی نوعیت کی درخواست پر روزانہ کی بنیاد پر سماعت ہو رہی ہے۔ الیکشن کمیشن نے تحریک انصاف کی استدعا مسترد کرتے ہوئے سماعت کل تک ملتوی کردی۔


Comments

comments

یہ بھی پڑھیں