لاہور : پارٹی رہنما ریلی نکالنے پر 2حصوں میں تقسیم ہوگئے، بعض رہنما نے ریلی نکالنےاورکچھ رہنماؤں نے عمران خان کوریلی نہ نکالنے کا مشورہ دیا۔
تفصیلات کے مطابق چیئرمین تحریک انصاف عمران خان نے زمان پارک میں پارٹی رہنماؤں سے مشاورت کی اور تحریک انصاف کی لیگل ٹیم کو بھی زمان پارک بلالیاگیا۔
ذرائع نے بتایا کہ ریلی نکالنے پر پارٹی رہنما 2حصوں میں تقسیم ہوگئے ، بعض رہنما نے ریلی نکالنےاورکچھ رہنماؤں نے عمران خان کوریلی نہ نکالنے کا مشورہ دیا۔
پارٹی رہنما کا کہنا تھا کہ حکومت تصادم چاہتی ہے جس سےعمران خان کی جان کو بھی خطرہ ہوسکتا ہے۔
ذرائع کے مطابق عمران خان کو وکلا نے ہائیکورٹ میں پٹیشن کی تیاری سے بھی آگاہ کردیاہے، سپریم کورٹ کے فیصلے کے بعد الیکشن مہم کو روکنا توہین عدالت ہوگا۔
ذرائع نے کہا کہ فواد چوہدری اور دیگر وکلا نے لاہورمیں دفعہ 144کے نفاذ کو چیلنج کرنے کا مشورہ دیا تاہم عمران خان وکلا سے مشاورت کے بعد حتمی فیصلے کا اعلان خود کریں گے۔
