صرف سڑکیں بنانے سے پی ٹی آئی کو ووٹ نہیں ملیں گے، پرویز خٹک -
The news is by your side.

Advertisement

صرف سڑکیں بنانے سے پی ٹی آئی کو ووٹ نہیں ملیں گے، پرویز خٹک

ایبٹ آباد : خیبر پختو نخواہ کے وزیر اعلیٰ پرویز خٹک نے کہا ہے کہ تحریک انصاف کی حکومت کاایجنڈہ نظام کو ٹھیک کرنا اور عام آدمی تک انصاف کی فراہمی ہے،صرف سڑکیں بنانے سے پی ٹی آئی کو ووٹ نہیں ملیں گے۔

ڈپٹی کمشنر ایبٹ آباد ایک ہفتے کے اندر تمام پٹواریوں کو اپنے حلقہ میں بیٹھنے کا پابند کریں بصورت دیگر ڈی سی کے خلاف کاروائی ہو گی۔

ان خیالات کا اظہار انہوں نے ایبٹ آباد میں مری روڈ کشادگی منصوبہ کے سنگ بنیاد کی تقریب سے خطاب کرتے ہوئے کہی۔

وزیر اعلیٰ پرویز خٹک کا کہنا تھا کہ صوبہ میں پولیس، محکمہ مال، اسپتالوں اور اسکولوں کے نظام کو بہتر کیا جا رہا ہے، دو ہزار سترہ تک محکمہ مال کے نظام کو کمپوٹرائزڈ کر دیا جائے گا۔

محکمہ تعلیم سے غیر حاضر رہنے والے پندرہ سواساتذہ کو فارغ کیا گیا ہے، صوبہ میں اس وقت چالیس ہزار اساتذہ کی کمی ہے جسے پورا کیا جارہا ہے۔

ان کا کہنا تھا کہ جو وزیر اعلیٰ اور وزیروں کے اختیارات تھے وہ نچلی سطح پر بلدیاتی ممبران کو منتقل کر دئیے گئے ہیں، وزیراعلیٰ کا مزید کہنا تھا کہ ایبٹ آباد میں بھی ٹریفک وارڈن کا نظام لایاجارہا ہے جس سے کرپشن کا خاتمہ ہو گا۔

Comments

comments

یہ بھی پڑھیں