اسلام آباد: پاکستان تحریک انصاف (پی ٹی آئی) نے آئینی ترامیم کیخلاف بھرپور مزاحمت کا اعلان کرتے ہوئے 18 اکتوبر کو ملک گیر احتجاج کی کال دے دی۔
تفصیلات کے مطابق پاکستان تحریک انصاف کی سیاسی کمیٹی کے اجلاس کا اعلامیہ جاری کردیا گیا، جس میں کہا ہے کہ آئینی ترامیم سےدستورمسخ کرنےکی حکومتی کوشش کسی طورقبول نہیں۔
پاکستان تحریک انصاف کی سیاسی کمیٹی نے حکومت کے ترمیم کے منصوبے کی بھرپور مزاحمت کا فیصلہ کرتے ہوئے دونوں ایوانوں میں ترمیم کا راستہ روکنے کیلئے بھی ہر ممکن کوشش پر اتفاق کیا۔
سیاسی کمیٹی بت بانی کی بہنوں سمیت تمام قائدین اور کارکنان کی رہائی کا مطالبہ کرتے ہوئے اٹھارہ اکتوبر کو احتجاج کا فیصلہ بھی کیا گیا۔
سیکرٹری اطلاعات پی ٹی آئی کا کہنا ہےاسلام آباد سمیت پورے ملک میں احتجاج کیا جائے گا اور احتجاج آئینی ترامیم اور بانی کے ساتھ ناروا سلوک کے خلاف ہوگا۔
وزیراعلیٰ کے پی علی امین گنڈاپور نے کہا کہ مجوزہ آئینی ترمیم کا سرہے نہ پیر اس کی ضرورت نہیں، آئینی ترامیم پی ٹی آئی کےلیے ہورہی ہیں، ہمارے لیے گڑھا کھودرہے ہیں کل یہ خود اس گڑھے میں گریں گے، وفاقی حکومت بے وقوفی کررہی ہے۔
