The news is by your side.

Advertisement

نئی حلقہ بندیوں کے شیڈول کیخلاف پی ٹی آئی عدالت پہنچ گئی

الیکشن کمیشن کی جانب سے نئی حلقہ بندیوں کے شیڈول کے خلاف پاکستان تحریک انصاف نے سپریم کورٹ سے رجوع کرلیا ہے۔

اے آر وائی نیوز کے مطابق الیکشن کمیشن کی جانب سے نئی حلقہ بندیوں کے شیڈول کے خلاف پاکستان تحریک انصاف نے سپریم کورٹ سے رجوع کرلیا ہے۔

پاکستان تحریک انصاف کی جانب سے اسد عمر نے سپریم کورٹ میں درخواست دائر کی ہے جس میں وفاق، الیکشن کمیشن، سیکرٹری الیکشن کمیشن، ادارہ شماریات، صوبائی چیف سیکرٹریز اورسیکرٹری کابینہ کو فریق بنایا گیا ہے۔

پی ٹی آئی کی جانب سے آرٹیکل 184/3 کےتحت دائر درخواست میں موقف اختیار کیا گیا ہے کہ الیکشن کمیشن کا حلقہ بندیوں کا شیڈول آئین اور قانون کے خلاف ہے، نئی مردم شماری ہونے تک نئی حلقہ بندیوں کی کوئی ضرورت نہیں۔

درخواست میں عدالت عظمیٰ نے استدعا کی گئی ہے کہ الیکشن کمیشن کیجانب سےجاری کیا گیا شیڈول غیر آئینی قرار دیا جائے اور الیکشن کمیشن کو انتخابی عمل میں کسی بھی قسم کی تاخیر سےروکا جائے۔

درخواست میں یہ بھی استدعا کی گئی ہے کہ عدالت قراردے کہ 3 مئی 2018 میں کروائی گئی حلقہ بندیاں درست ہیں اور الیکشن کمیشن اور سیکرٹری الیکشن کمیشن کو انتخابی عمل یقینی بنانےکا حکم دیا جائے۔

Comments

یہ بھی پڑھیں