کراچی: پاکستان تحریک انصاف کے رہنما خرم شیر زمان نے کہا ہے کہ آج سابق صدر آصف زرداری کے خلاف الیکشن کمیشن میں ریفرنس دائر کریں گے۔
ان خیالات کا اظہار انہوں نے اے آر وائی نیوز کے پروگرام پاور پلے میں گفتگو کرتے ہوئے کیا، خرم شیر زمان کا کہنا تھا آج ہی آصف زرداری کے خلاف الیکشن کمیشن میں ریفرنس دائر کی جائے گی۔
خرم شیر زمان کل آصف زرداری کے خلاف درخواست دائر کریں گے
ان کا کہنا تھا آصف زرداری کو سکسٹی ٹو ون ایف کے تحت نااہل قرار دینے کی درخواست کریں گے، ملک کو کرپشن سے پاک کرنا ہے۔
پی ٹی آئی کراچی ڈویژن کے صدر اور رکن سندھ اسمبلی خرم شیر زمان پیپلز پارٹی کے شریک چیئرمین آصف علی زرداری کے خلاف اثاثے چھپانے کی درخواست دائر کریں گے۔
خیال رہے کہ وزیرِ اطلاعات فواد چوہدری نے پریس کانفرنس میں کہا تھا کہ آصف زرداری مین ہیٹن، امریکا میں ایک عمارت میں اپارٹمنٹ کے مالک ہیں، لیکن انھوں نے امریکا میں اپارٹمنٹ کا اثاثوں میں ذکر نہیں کیا، اثاثے چھپانے پر ان کے خلاف ریفرنس دائر کیا جا رہا ہے۔
