کراچی: بلدیاتی انتخابات کے اعلان پر پاکستان تحریک انصاف ان ایکشن، 1100 ارب روپے پیکج کی ویڈیو جاری کردی۔
تفصیلات کے مطابق ویڈیو پاکستان تحریک انصاف کے آفیشل ٹوئٹر اکاؤنٹ سے جاری کی گئی ہے، ویڈیو میں کراچی ٹرانسفارمیشن پیکج سے متعلق منظرکشی کی گئی ہے، فریٹ کوریڈور،گرین لائن بس، کےفور،نالوں کی صفائی وتعمیرات کو شامل کیا گیا ہے۔
اس لے علاوہ کےسی آر کی بحالی ،سڑکوں کی تعمیرات ودیگرمنصوبوں کی بھی منظرکشی کی گئی ہے،ویڈیومیں منصوبوں پرلگنے والی لاگت بھی بتائی گئی ہے۔
عمران خان نے کراچی کو پھر سے روشنیوں کا شہر بنانے کیلئے محدود وسائل کے باوجود 1100 ارب کا تاریخی پیکج دیا؛ تحریک انصاف دور میں کراچی میں شروع ہونے والے پراجیکٹس کی تفصیلات جانیے: #کراچی_کپتان_کا pic.twitter.com/UOwQz15g22
— PTI (@PTIofficial) January 13, 2023
یاد رہے کہ عمران خان کے دور حکومت میں کراچی ٹرانسفارمیشن پیکج کا اعلان کیا گیا تھا، جسے پانچ اہم شعبوں میں خرچ کرنے کے لیے تقسیم کیا گیا تھا۔
بانوے ارب روپے پانی کی فراہمی کے منصوبوں پر مختص کئے گئے
سڑکوں کے منصوبوں کے لیے 41 ارب روپے جبکہ ماس ٹرانزٹ، ریل اور روڈ ٹرانسپورٹ منصوبے کے لیے 572 ارب روپے رکھے گئے تھے۔
اس کے علاوہ 267 ارب روپے سالڈ ویسٹ منیجمنٹ، برساتی پانی کی نکاسی اور دوبارہ آبادکاری کے منصوبوں پر خرچ کئے گئے۔
