لاہور : پاکستان تحریک انصاف کے چیئرمین عمران خان نے اپنے ہی کارکن کو ایجنسی اہلکار قرار دیا اور حقیقت معلوم ہونے پر ٹوئٹ ڈیلیٹ کردی۔
تفصیلات کے مطابق چیئرمین پی ٹی آئی کی جانب سے ایجنسی اہلکار قراردیا گیا شخص پی ٹی آئی کا ہی کارکن نکلا۔
عمران خان نے گزشتہ روز سماجی رابطے کی ویب سائٹ ٹوئٹر پر ایک تصویر ٹوئٹ کی تھی جس کے کیپشن میں لکھا کہ یہ شخص ایجنسی کا اہلکار ہے، انہوں نے لکھا کہ یہ شخص کارکنوں کو تشدد کرنے پر اکسانے کی کوشش کر رہا ہے۔
بعد ازاں ان کو جب یہ معلوم ہوا کہ یہ شخص پی ٹی آئی کا ہی کارکن ہے تو تصویر والی ٹوئٹ ڈیلیٹ کردی۔
ذرائع کا کہنا ہے کہ ایجنسی اہلکار ظاہر کیے جانے والے مذکورہ کارکن کی پی ٹی آئی کی تقاریب میں شرکت کی متعدد تصاویر موجود ہیں۔
