لاہور : پی ٹی آئی کارکنان نے عمران خان کو گرفتار کرنے آنے والی پولیس کی گاڑیوں کو بھاگنے پرمجبور کر دیا۔
تفصیلات کے مطابق چیئرمین پی ٹی آئی عمران خان کی رہائشگاہ زمان پارک پر رات گئے اچانک پولیس کی پانچ سے زائد گاڑیاں پہنچیں۔
پولیس کی بھاری نفری عمران خان کوگرفتار کرنے زمان پارک پہنچی تو کارکنوں کی جانب سے شدید ردعمل آیا اورکارکنان پولیس کی گاڑیوں کے پیچھے بھاگتے رہے۔
اس موقع پر کپتان کے کھلاڑیوں نے حکومت کے خلاف نعرے بازی کی، تحریک انصاف کے پرجوش کارکنوں کا رش دیکھ کر پولیس کی گاڑیاں واپس چلی گئیں۔
اس موقع پر کارکنوں نے عمران خان کے حق میں اور حکومت کے خلاف نعرے بازی کی ، کارکنوں کا کہنا تھا کہ عمران خان ان کی ریڈلائن ہے۔
ذرائع نےے بتایا کہ اعلیٰ پولیس افسران کی ہدایت پر پولیس کی نفری کوزمان پارک پہنچنےکی ہدایت دی گئی تھی۔
قلعہ گجرسنگھ پولیس لائنزمیں موجود ہے اور پولیس کے دستےالرٹ ہیں ،مال روڈ،جیل روڈاورگڑھی شاہو زمان پارک کے اطراف ناکے لگالئے گئے ہیں۔
لاہورپولیس کےساتھ اسلام آباد پولیس بھی موجود ہے اور زمان پارک کے اطراف گشت کیا جارہا ہے۔
