The news is by your side.

ممنوعہ فنڈنگ کیس: عدالت نے پی ٹی آئی کی استدعا منظور کرلی

اسلام آباد: ممنوعہ فنڈنگ کیس میں عدالت نے پاکستان تحریک انصاف کا اہم مطالبہ تسلیم کرلیا ہے۔

تفصیلات کے مطابق عدالت عالیہ نے ممنوعہ فنڈنگ کیس کے فیصلے کے خلاف پی ٹی آئی کی اپیل منظور کرلی ہے، اسلام آباد ہائی کورٹ کے لارجر بینچ نے محفوظ شدہ فیصلہ سنا دیا۔

اسلام آباد ہائی کورٹ نے پی ٹی آئی کی اپیل پر نوٹسز جاری کرتے ہوئے آئندہ سماعت پر فریقین سے دلائل طلب کرلئے، عدالت کے مختصر حکم نامے میں کہا گیا کہ آئندہ سماعت پر فریقین کے وکلا اس معاملے پر مطمئن کریں۔

اسلام آباد ہائیکورٹ نے تین صفحات پر مشتمل تحریری حکمنامہ جاری کیا ہے، کیس کی آئندہ سماعت چوبیس اگست کو ہوگی۔

یہ بھی پڑھیں: ممنوعہ فنڈنگ کیس: پی ٹی آئی کو الیکشن کمیشن کی کارروائی پرحکم امتناع نہ مل سکا

واضح رہے کہ گذشتہ روز اسلام آباد ہائی کورٹ نے ممنوعہ فنڈنگ کیس میں پی ٹی آئی کی اپیل کے قابل سماعت ہونے یا نہ ہونے پر الیکشن کمیشن کو نوٹس جاری کیا تھا۔

یاد رہے کہ الیکشن کمیشن کے فیصلے کے خلاف پی ٹی آئی کی درخواست پر اسلام آباد ہائی کورٹ نے دو روز قبل لارجر بنچ تشکیل دیا تھا۔

لارجر بینچ کی سربراہ قائم مقام چیف جسٹس عامر فاروق ہیں جبکہ جسٹس میاں گل حسن اورنگزیب اور جسٹس بابر ستار بینچ کا حصہ تھے۔

Comments

یہ بھی پڑھیں