پشاور : سابق صوبائی وزیر شوکت یوسفزئی کا کہنا ہے کہ امپورٹڈ وزیراعظم نےلاشوں پرنمک پاشی کی، اے پی سی کا کوئی نتیجہ نہیں نکلنے والا۔
تفصیلات کے مطابق تحریک انصاف نے آل پارٹیزکانفرنس میں شرکت سے انکار کردیا۔
سابق صوبائی وزیر شوکت یوسفزئی نے اپنے بیان میں کہا ہے کہ اے پی سی کا کوئی نتیجہ نہیں نکلنے والا اور نہ عوام کو کوئی ریلیف بھی ملنے والا۔
شوکت یوسفزئی کا کہنا تھا کہ امپورٹڈ وزیراعظم نےلاشوں پرنمک پاشی کی، صوبہ خون میں نہا رہا ہے، وزیراعظم 417 ارب کا حساب مانگ رہے ہیں۔
سابق صوبائی وزیر نے کہا کہ ہم نے دس سال میں چھ سو ارب سیکیورٹی پر خرچ کیے اور آپ نے سات مہینے سے خیبرپختونخوا کو ایک پیسہ نہیں دیا، گورنر آپ کا ہے منٹوں میں 417 ارب کا حساب نکال دے گا۔
ان کا مزید کہنا تھا کہ 417 ارب پر سیاسی پوائنٹ اسکورنگ بند کی جائے،سابق فاٹا کے 230 ارب روپے آپ کے ذمہ واجب الادا ہیں۔
شوکت یوسفزئی نے بتایا کہ خیبر پختونخوا حکومت نےسی ٹی ڈی کا بجٹ ڈبل کردیا اور ہم نے خیبر پختونخوا پولیس کو مالی و انتظامی طور پر خودمختار کیا۔
