لاہور : الیکشن ٹریبونل نے این اے 130 سے سابق وزیرصحت ڈاکٹر یاسمین راشد کو الیکشن لڑنے کی اجازت دے دی۔
تفصیلات کے مطابق ملک بھرمیں کاغذات منظوری اورمسترد ہونے کے خلاف اپیلوں پر فیصلوں کا آج آخری دن آگیا۔
لاہور ایپلٹ ٹریبونل نے ڈاکٹریاسمین راشد کی کاغذات مسترد کئے جانے کیخلاف اپیل پر سماعت کی اور ریٹرننگ افسر کے کاغذات نامزدگی مسترد کرنے کا فیصلہ کالعدم قرار دے دیا۔
ایپلٹ ٹریبونل نے ڈاکٹریاسمین راشدکی اپیل منظور کرلی اور این اے 130 سے الیکشن لڑنے کی اجازت دے دی۔
اس کے علاوہ الیکشن ٹربیونل نے پی پی 169 سے پی ٹی آئی کے محمود الرشید کے کاغذات نامزدگی منظور کر لیے اور ریٹرنگ آفیسر کا فیصلہ کالعدم قرار دے دیا۔
پی پی ایک سوساٹھ لاہور سے اعظم خان نیازی کو انتخابات لڑنے کی اجازت مل گئی اور آراوکافیصلہ کالعدم ہوگیا۔
امیدواروں کی نظرثانی شدہ فہرست کل جاری کی جائےگی، بارہ جنوری کوامیدوارکاغذاتِ نامزدگی واپس لےسکیں گے اور اسی دن امیدواروں کی حتمی فہرست جاری کردی جائے گی۔
