اسلام آباد: اداروں کیخلاف ہرزہ سرائی کرنے پر پشتون تحفظ تحریک (پی ٹی ایم) رہنما منظور پشتین، علی وزیر اور ایمان مزاری کیخلاف سی ٹی ڈی میں بھی مقدمہ درج کرلیا گیا۔
تفصیلات کے مطابق اسلام آباد پولیس نے سابق وفاقی وزیر شیریں مزاری کی بیٹی ایمان مزاری اور علی وزیر کو گرفتار کر لیا تھا تاہم اب اداروں کیخلاف ہرزہ سرائی کرنے پر سی ٹی ڈی میں بھی مقدمہ درج کرلیا گیا۔
پی ٹی ایم رہنماؤں کیخلاف مقدمہ بغاوت، دہشت گردی اور سنگین دفعات کے تحت درج کیاگیا ہے، مقدمہ سی ٹی ڈی کے انسپکٹر کی مدعیت میں درج کیا گیا ہے۔
اسلام آباد پولیس نے علی وزیر اور ایمان مزاری کو گرفتار کرنے کی وجہ بتادی
مقدمے میں متن کے مطابق مقدمہ میں منظور پشتین، علی وزیر، ایمان مزاری کو نامزد کیا گیا، اداروں کے خلاف نفرت اور شرانگیز تقریر کی گئیں۔
درج مقدمہ کے متن کے مطابق شرکا نے اسلام آباد کی طرف مسلح مارچ کی بھی دھمکی دی۔
