کراچی : محکمہ ٹرانسپورٹ سندھ نے اہلیان کراچی کی مشکلات کے پیش نظر پبلک ٹرانسپورٹ کی صورتحال کو بہتر بنانے کیلئے اہم اقدام کرتے ہوئے نئے روٹ پرمٹ جاری کرنے کا فیصلہ کیا ہے۔
اس حوالے سے ذرائع کا کہنا ہے کہ کراچی میں چھبیس سیٹر منی بس کے روٹس پرمٹس کے اجراء پر عائد پابندی ختم کر دی گئی ہے جس کا نوٹیفیکشن بھی جاری کردیا گیا ہے۔
ذرائع کے مطابق حکومت سندھ کی جانب سے کراچی کے شہریوں کو اچھی سفری سہولت فراہم کرنے کے لیے روٹ پرمٹ پابندی ختم کی گئی ہے۔
- Advertisement -
روٹ پرمٹس کے اجراء سے نجی سرمایہ کاروں کو ٹرانسپورٹ کے شعبے میں سرمایہ کاری کا موقع ملے گا اور عوام کو سفر کے دوران پیش آنے والی پریشانیوں میں کافی حد تک کمی آئے گی۔
محکمہ ٹرانسپورٹ سندھ کے ترجمان کا کہنا ہے کہ چھبیس سیٹر منی بسوں کے روٹ پرمٹ کی اجراء سے پبلک ٹرانسپورٹ کی کمی پر قابو پانے میں مدد ملے گی۔
