اسلام آباد: قاری کے سامنے ہنسنے پر بچے پر تششد کرتے ہوئے اسے کمرے میں بند کردیا گیا، تشدد کی وڈیو وائرل ہونے کے بعد واقعے کا مقدمہ درج کرلیا گیا۔
اے آر وائی نیوز کے مطابق قاری کے سامنے ہنسنے پراستاد سیخ پا ہو گیا، پہلے تو 12 سالہ بچے کو تشدد کا نشانہ بنایا پھر اسے کمرے میں بند کردیا، مذکورہ واقعہ سیکٹر آئی ٹین کے مدرسے میں پیش آیا ہے۔
مدرسے کے بچے پر تشدد کرنے والے قاری کی شناخت نعیم کے نام سے ہوئی ہے جس کا مقدمہ درج کر لیا گیا ہے۔
پولیس نے مقدمے میں تشدد اور حبس بے جا کی دفعات بھی شامل کیں ہیں، بچے پر تشدد کی وڈیو سوشل میڈیا پر وائرل ہوئی تھی جس کے بعد پولیس نے ایکشن لیا ہے۔
اس حوالے سے بچے کا اپنے بیان میں کہنا تھا کہ قاری کے سامنے ہنسنے پر تشدد کیا گیا اور کمرے میں بند کر دیا گیا۔
