لیاقت پور: پنجاب میں پسند کی شادی کرنے پر 18 سالہ لڑکی کو قتل کردیا گیا۔
تفصیلات کے مطابق صوبہ پنجاب کے ضلع رحیم یار خان میں واقع لیاقت پور میں ایک 18 سالہ لڑکی کو غیرت کے نام پر قتل کردیا گیا۔
پولیس کا اس حوالے سے کہنا ہے کہ لڑکی کو پسند کی شادی کرنے پر قتل کیا گیا، اہل خانہ قتل کے بعد خفیہ طور پر تدفین کر رہے تھے۔
پولیس نے بتایا کہ پولیس نے اہل خانہ کیخلاف ایف آئی آر درج کرلی ہے، لڑکی کے جسم پر تشدد کے متعدد نشانات ہیں، لڑکی کو قتل کرنے کے بعد ملزمان فرار ہیں، گرفتاری کیلئے چھاپے جاری ہے۔
