پنجاب کے ضلع ساہیوال کے نواحی گاؤں میں قتل کا بدلہ لینے کے لیے ملزم نے فائرنگ کرکے ظہیر کو قتل کردیا۔
تفصیلات کے مطابق ساہیوال کے نواحی گاؤں 63 جی ڈی میں قتل کا بدلہ لینے کا واقعہ پیش آیا ہے، گاؤں میں گھر کے باہر 30 سالہ ظہیر کو گولی مار کر قتل کر دیا گیا۔
پولیس نے بتایا کہ گزشتہ سال ظہیر کی بیوی کو اغوا کرنے والے عمران کو مقتول ظہیر نے قتل کیا تھا، عمران کے قتل کا بدلہ لینے کے لئے آج صبح اسکے رشتہ داروں نے ظہیر کو قتل کیا۔
پولیس نے بتایا کہ پولیس بہادر شاہ نے لاش کو پوسٹ مارٹم کے لئے اسپتال منتقل کر دیا ہے جبکہ مقتول ظہیر کے بھائی نے 3 ملزمان اللہ دتہ،عمر دراز اور عاشق کے خلاف درخواست تھانے میں جمع کرادی۔
