لاہور: پنجاب اسمبلی کے اجلاس کے دوران مخصوص نشستوں پر ارکان آج حلف اٹھائیں گے۔
اے آر وائی نیوز کے مطابق خواتین کی 21 اور 3 اقلیتی نشستوں پر ارکان اسمبلی حلف اٹھائیں گے، حلف اٹھانے والے ارکان کو دعوت نامے جاری کر دیئے گئے ہیں۔
واضح رہے کہ گزشتہ روز شہباز شریف نے وزیراعظم کے عہدے کا حلف اٹھالیا، صدر مملکت عارف علوی نے شہباز شریف سے حلف لیا۔
ایوان صدر میں وزیراعظم کی تقریب حلف برداری ہوئی، تقریب کا آغاز پر قرآن پاک کی تلاوت سے کیا گیا۔
تقریب میں شہبازشریف نے وزیراعظم کے عہدے کا حلف اٹھایا، صدرمملکت عارف علوی نے شہبازشریف سے عہدے کا حلف لیا۔
صدر عارف علوی کو آج الوداعی گارڈ آف آنر دیا جائے گا
تقریب حلف برداری میں نواز شریف، مریم نواز، نگراں وزیراعظم انوارالحق کاکڑ، نگراں وفاقی کابینہ کے ارکان، بلاول بھٹو اور آصف زرداری شریک ہوئے تھے۔
