لاہور : تحریک انصاف نے پنجاب اسمبلی میں میک اپ کے سامان میں خطرناک کیمیکلز کے استعمال کے خلاف تحریک التواء جمع کرادی، رنگ گورا کرنے والی کریمیں کینسر کا باعث بن سکتی ہیں۔
تفصیلات کے مطابقتحریک انصاف کی رکن پنجاب اسمبلی مسرت جمشید نے میک اپ کے سامان میں خطرناک کیمیکل اورمرکری کے استعمال کے خلاف تحریک التوا جمع کرادی۔
قرارداد میں کہا گیا ہے کہ ہر کمپنی رنگ گورا کرنے، کیل جھائیاں دور کرنے کے دعوے کرکے لوگوں کے چہرے خراب کر رہی ہے، جعلی کاسمیٹکس سے کینسر اور جلدی امراض بڑھ رہے ہیں، اس طرح کے کئی شیمپو، کریمیں اور میک اپ کے سامان کے پندرہ ہزار سے زائد برانڈ ٹیسٹ کے بغیر مارکیٹ میں آجاتے ہیں۔
جعلی کریموں کے استعمال سے خواتین کی جلد جھلسنے کے واقعات میں کئی گنا اضافہ ہوا، کیمیکل سے خراب جلد دوبارہ ٹھیک بھی نہیں ہوتی، اس سے عوام میں سخت پریشانی، خوف اور اضطراب پایاجاتا ہے۔
