لاہور: پنجاب اسمبلی میں توڑ پھوڑ پر اپوزیشن کے 18 افراد کی رکنیت معطل کرنے پر غور کیا جا رہا ہے۔
تفصیلات کے مطابق صوبہ پنجاب میں قائد ایوان کے انتخاب کے موقع پر پنجاب اسمبلی میں ہنگامہ آرائی اور توڑ پھوڑ کرنے پر اپوزیشن کے 18 افراد کی رکنیت معطل کرنے پر غور شروع ہو گیا۔
ذرائع کا کہنا ہے کہ ہنگامہ آرائی میں رانا مشہود احمد، طاہر خلیل سندھو، خواجہ سلمان رفیق، عظمیٰ بخاری، حنا پرویز بٹ، عنیزہ فاطمہ اور دیگر ارکان کی رکنیت معطل کرنے پر غور کیا جا رہا ہے۔
اسپیکر کی ہدایت پر گزشتہ روز انکوائری کمیٹی تشکیل دی گئی تھی، اس کمیٹی میں اسپیشل سیکریٹری، ڈائریکٹر جنرل پارلیمانی امور شامل ہیں۔
لاہور: پنجاب اسمبلی کا اجلاس 6اپریل تک ملتوی
ذرائع نے بتایا کہ کمیٹی توڑ پھوڑ کرنے والے ارکان کو معطل کرنے کی سفارش کر سکتی ہے، یہ کمیٹی آج شام اپنی رپورٹ اسپیکر کو پیش کر دے گی۔
