لاہور : ن لیگ کی رہنما مریم اورنگزیب کو سینئر صوبائی وزیر بنانے کا فیصلہ کرلیا گیا جبکہ عظمیٰ بخاری انفارمیشن اینڈ کلچر کی وزیرہوں گی۔
تفصیلات کے مطابق پنجاب کی پچیس رکنی کابینہ کی تقریب حلف برداری آج گورنرہاؤس میں ہوگی ،ذرائع نے کہا ہے کہ ن لیگ کی رہنمامریم اورنگزیب کو سینئر صوبائی وزیر بنانے کا فیصلہ کیا گیا ہے، مریم اورنگزیب کےپاس پلاننگ اینڈڈیولپمنٹ،انوائرمنٹ،جنگلات کی وزارتیں ہوں گی۔
ذرائع نے بتایا کہ عظمیٰ بخاری انفارمیشن اینڈ کلچر کی وزیرہوں گی ، عاشق حسین کرمانی کومحکمہ زراعت کامحکمہ ، کاظم پیرزادہ کو محکمہ آبپاشی کامحکمہ اور رانا سکندر حیات کو اسکول ایجوکیشن کامحکمہ دیاجائےگا۔
ذرائع کا کہنا ہے کہ چوہدری شافع حسین کو محکمہ انڈسٹریز کی وزارت اور شیر علی گورچانی کو مائنز اینڈ منرل کی وزارت دی جائے گی۔
پہلی بار سکھ برادری سےتعلق رکھنے والے ایم پی اےکووزیر بنایا جائے گا، رمیش سنگھ آڑورہ کو منارٹیز کےوزیر ہوں گے۔
اس کے علاوہ طاہرخلیل سندھو کو ہیومن رائٹس کامحکمہ دیاجائےگا، سلمان رفیق محکمہ اسپیشلائزڈہیلتھ کامحکمہ سنبھالیں گے جبکہ خواجہ عمران نذیر محکمہ پرائمری اینڈسکینڈری ہیلتھ ہوں گے۔
ذیشان رفیق کو محکمہ بلدیات کا وزیر اور صہیب برتھ کومحکمہ مواصلات کاوزیر بنایاجائے گا۔
