لاہور: پنجاب کی نگراں حکومت نے لاہور میں دفعہ 144 نافذ کردی۔
اے آر وائی نیوز کے مطابق نگراں وزیر اطلاعات پنجاب عامر میر کا کہنا ہے کہ اتوار کو لاہور میں دفعہ 144 نافذ ہوگی ضرورت پڑی کو اس کو مزید بڑھا بھی سکتے ہیں۔
عامر میر نے کہا کہ الیکشن مہم 6 اپریل سے شروع ہوگی اس سے پہلے سیاسی مہم نہیں چل سکتی۔
انہوں نے کہا کہ عمران خان کو مشورہ ہے پنجاب حکومت کے ساتھ تعاون کریں اور قانون کو ہاتھ میں لینے کی کوشش نہ کریں۔
وزیر اطلاعات نے کہا کہ اگر ریاست کی رٹ چیلنج ہوگی تو سختی کرنی پڑے گی۔
پنجاب نگراں حکومت نے لاہور میں دفعہ 144 لگادی#ARYNews pic.twitter.com/9NnxX9BTOP
— ARY NEWS (@ARYNEWSOFFICIAL) March 11, 2023
فواد چوہدری کا ردعمل
پی ٹی آئی رہنما فواد چوہدری نے ردعمل دیتے ہوئے کہا کہ کیا الیکشن شیڈول کے بعد سیاسی جماعت مہم نہیں چلاسکتی، کیا مہم چلانے کی اجازت صرف مریم نواز کو ہے؟ ہم نے چیف الیکشن کمشنر سے رجوع کیا ہے۔
انہوں نے کہا کہ عامر میر صاحب ہمیں بتادیں الیکشن مہم کیسے چلتی ہے، محسن نقوی اینڈ کمپنی ظل شاہ کے قتل سے ڈری ہوئی ہے یہ چاہتے ہیں لوگ اس قتل پر بات نہ کریں۔
فواد چوہدری نے کہا کہ امید ہے الیکشن کمیشن دفعہ 144 ختم کرنے کا حکم دے گا۔
واضح رہے کہ پی ٹی آئی چیئرمین عمران خان خان اپنی قیادت میں نے آج لاہور میں ریلی نکالنے کا اعلان کیا تھا۔
