لاہور : پنجاب میں کورونا کے مریضوں کی تعداد 80 ہزار سے تجاوز کرگئی جبکہ اموات کی تعداد 1844 تک جا پہنچی۔
تفصیلات کے مطابق ترجمان پرائمری اینڈ سیکنڈری ہیلتھ کیئر پنجاب نے کورونا کیسز سے متعلق اعدادوشمار جاری کردیئے، جس میں بتایا گیا پنجاب میں کورونا وائرس کے 1341نئے کیس سامنے آئے ، جس کے بعد پنجاب میں کورونا کےمریضوں کی تعداد 80،297 ہو گئی۔
ترجمان کا کہنا تھا کہ لاہور میں 464 ، ننکانہ 16،قصور 41، شیخوپورہ 54، راولپنڈی 110، جہلم 7، اٹک 11، چکوال میں ایک اور گوجرانوالہ میں 42 کیسز رپورٹ ہوئے۔
ترجمان پرائمری اینڈ سیکنڈری ہیلتھ کیئر کے مطابق سیالکوٹ 26، نارووال 13، گجرات 72، حافظ آباد1، ملتان29، مظفرگڑھ 10، وہاڑی42، فیصل آباد89، چنیوٹ11، ٹوبہ 36، جھنگ 10 اور رحیم یار خان میں 26 کیسز سامنے آئے۔
ترجمان نے کہا رپورٹ ہونے والوں میں سرگودھا سے 58، خوشاب13، میانوالی 1،بہاولنگر 2، بہاولپور35،لودھراں 6، ڈی جی خان76، لیہ 16، اوکاڑہ 3،خانیوال 1،بھکر 1،ساہیوال 7اور پاکپتن سے 11 کیسز شامل ہیں۔
پرائمری اینڈ سیکنڈری ہیلتھ کیئر پنجاب نے بتایا کہ چوبیس گھنٹوں کے دوران کورونا سے 25 مزید افراد جان سے گئے ، جس کے بعد کل اموات کی تعداد1844 ہو چکی ہیں۔
پنجاب ہیلتھ کیئر کے مطابق اب تک کورونا کے 525,222 ٹیسٹ کیے جا چکے ہیں اور کورونا وائرس کو شکست دینے والوں کی تعداد 42,584 ہو چکی ہے۔
