The news is by your side.

Advertisement

عوام کوجلد نئے پاکستان کی تبدیلی کا احساس ہوگا‘ وزیراعلیٰ پنجاب

لاہور: وزیراعلیٰ پنجاب سردار عثمان بزدار کا کہنا ہے کہ دنیا میں پاکستان کا مقام بلند ہوگا، سبز پاسپورٹ کی عزت ہوگی۔

تفصیلات کے مطابق وزیراعلیٰ پنجاب کا کہنا ہے کہ یکساں ترقی وبنیادی سہولتوں کی فراہمی اولین ترجیح ہے، 100 روزہ ایجنڈے پرعملدرآمد کے لیے جامع حکمت عملی اپنائی۔

سردارعثمان بزدار کا کہنا ہے کہ تعلیم، صحت سمیت دیگرشعبوں میں اصلاحات لا رہے ہیں، تبدیلی کے ثمرات نچلی سطح تک لے کر جائیں گے۔

وزیراعلیٰ پنجاب کا ڈیمزکی تعمیر میں ہی پاکستان کی بقا مضمر ہے، عوام جیسے ڈیم فنڈ میں عطیات دے رہے ہیں وہ قابل ستائش ہے۔

انہوں نے مزید کہا کہ عوام کوجلد نئے پاکستان کی تبدیلی کا احساس ہوگا، دنیا میں پاکستان کا مقام بلند ہوگا، سبز پاسپورٹ کی عزت ہوگی۔

عمران خان کے وژن پر عمل پیرا ہو کر ملک و قوم کی تقدیربدلیں گے‘عثمان بزدار

یاد رہے کہ 4 روز قبل وزیر اعلیٰ پنجاب سردار عثمان بزدار کا کہنا تھا کہ عمران خان کی قیادت میں نئے پاکستان کی منزل کا سفر شروع ہو چکا ہے، ان کے وژن پر عمل پیرا ہو کر ملک و قوم کی تقدیربدلیں گے۔

عثمان بزدار کا کہنا تھا کہ تعلیم ، صحت اور دیگر شعبوں میں اصلاحات حکومتی ترجیحات ہیں، ہمارے عملی اقدامات سے تبدیلی سب کو نظر آئے گی۔

Comments

comments

یہ بھی پڑھیں