لاہور : پنجاب میں سردی کی شدت میں اضافے کے پیش نظر والدین کے مطالبہ پر اسکولوں کی چھٹیوں میں ایک ہفتہ توسیع کا امکان ہے۔
تفصیلات کے مطابق پنجاب میں سردی کی شدت میں اضافے کے پیش نظر اسکولوں میں ایک ہفتہ مزید چھٹیاں بڑھانے پر غور کیا جارہا ہے۔
ذرائع کا کہنا ہے کہ چھٹیوں میں ایک ہفتہ توسیع دینے کا فیصلہ والدین کے مطالبہ پر کیا گیا ہے، چھٹیاں 9 جنوری سے 15 جنوری تک بڑھانے کا امکان ہے۔
- Advertisement -
یاد رہے صوبہ پنجاب میں شدید سردی کے باعث تعلیمی اداروں میں موسم سرما کی تعطیلات میں اضافہ کرتے ہوئے تعطیلات 8 جنوری تک بڑھا دی گئیں تھیں۔
نوٹیفکیشن میں کہا گیا ہے کہ پنجاب کے سرکاری اور نجی تعلیمی ادارے 9 جنوری سے کھلیں گے، تعلیمی اداروں کے سربراہان امتحانات کو ری شیڈول کر سکتے ہیں۔
