لاہور: پنجاب حکومت کی جانب سے سڑکوں پر کنٹینر لگائے جانے کے بعد عمران خان اور طاہر القادری کا ٹیلی فونک رابطہ ہوا ہے اور اس معاملے پر تبادلہ خیال کیا گیا۔
ذرائع کے مطابق پنجاب حکومت کی جانب سے پنڈی کا قصاص مارچ اور لاہور کی احتساب ریلی روکنے کے لیے جگہ جگہ سڑکوں پر کنٹینر لگائے گئے ہیں جس کی وجہ سے ریلیوں کو گزرنے میں مشکلات کا سامنا ہے۔
اطلاعات ملی ہیں کہ اس معاملے پر تحریک انصاف کے سربراہ عمران خان اور عوامی تحریک کے سربراہ طاہر القادری کے مابین ٹیلی فونک رابطہ ہوا ہے جس میں دونوں سربراہوں نے اس معاملے پر بات چیت کی اور آئندہ کالائحہ عمل طے کیا تاہم لائحہ عمل سے متعلق میڈیا کو معلومات حاصل نہ ہوسکیں۔
واضح رہے کہ دونوں رہنمائوں پاناما لیکس کی کرپشن کی تحقیقات اور سانحہ ماڈل ٹائون کے قاتلوں کی گرفتاری کے لیے سڑکوں پر موجود ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں