لاہور : پنجاب میں غیرقانونی دوا ساز کمپنیوں کے خلاف گرینڈ کریک ڈاؤن کا فیصلہ کرتے ہوئے کہا گیا کہ صوبے میں غیر رجسٹرڈ دواساز کمپنیاں اب نہیں چلیں گی۔
تفصیلات کے مطابق پنجاب میں غیرقانونی دوا ساز کمپنیوں کے خلاف گرینڈ کریک ڈاؤن کا فیصلہ کرتے ہوئے غیر رجسٹرڈ دوا بنانے اور سپلائی کمپنیوں کے خلاف سخت آپریشن کے احکامات جاری کردیئے گئے۔
چیف ڈرگ کنٹرولرنےتمام ڈرگ انسپکٹرز کو ہدایات دے دیں ، جس میں کہا ہے کہ ڈرگ انسپکٹرزکارروائی کرکےرپورٹ پیش کریں اور غیرقانونی دوا بنانے والے یونٹس بند کرنے کی رپورٹ14روز میں جمع کرائیں۔
یاد رہے مئی میں ڈرگ ریگولیٹری اتھارٹی نے کراچی میں کارروائی کرتے ہوئے غیر قانونی طور پر اسٹاک کیا گیا ادویات کا خام مال بھاری مقدار میں برآمد کیا تھا، جسے ادویات کی غیر قانونی تیاری میں استعمال کیا جانا تھا۔
ڈریپ کی جانب سے جعلی ادویات کے خلاف یہ بہت بڑی کارروائی تھی، جس میں ملک کی مشہور دوا ساز کمپنیوں کے ملوث ہونے کا امکان ظاہر کیا جارہا تھا۔
