The news is by your side.

Advertisement

طلبا کیلئے اہم خبر، دسویں اور بارہویں جماعت کے امتحانات کی تاریخ کا اعلان

لاہور : پنجاب میں دسویں اور بارہوں جماعت کے امتحانات کا شیڈول جاری کردیا گیا ، دہم کے سالانہ امتحانات 14جولائی اور بارہویں) کے امتحانات 26 جون سے شروع ہوں گے۔

تفصیلات کے مطابق پنجاب کےتعلیمی بورڈزنے امتحانات کاشیڈول جاری کردیا، جس کے تحت انٹرمیڈیٹ پارٹ ٹو ( بارہویں) کے امتحانات 26جون سےشروع ہوں گے اور 12 جولائی تک جاری رہیں گے۔

شیڈول کے مطابق میٹرک پارٹ ٹو (دہم) کے سالانہ امتحانات 14جولائی سےشروع ہوں گے اور 5اگست تک جاری رہیں گے ، اس حوالے سے پنجاب بورڈزکمیٹی نےدونوں امتحانات کی ڈیٹ شیٹس جاری کردی ہے۔

خیال رہے کہ کورونا وبا کے باعث گزشتہ برس بورڈ کے امتحانات ملتوی کردیے گئے تھے تاہم حکومت نے رواں سال بغیر امتحان طلبا کو پروموٹ نہ کرنے کا فیصلہ کیا تھا۔

یہ فیصلہ بین الصوبائی وزرا تعلیم کانفرنس (آئی پی ای ایم سی) میں کیا گیا تھا جس میں تمام وزرا تعلیم نے شرکت کی تھی۔

اجلاس میں فیصلہ کیا گیا تھا کہ بورڈ کے امتحانات 20 جون کے بعد سے شروع ہوں گے۔

Comments

یہ بھی پڑھیں