گجرات:صوبائی وزیر تعلیم رانا مشہود کے احکامات کے باوجود شہر بھر میں نجی اسکول مالکان نے گرمیوں کی چھٹیاں دینے سے انکار کرتے ہوئے اسکول کھلے رکھنے کا اعلا ن کر دیا.
تفصیلات کے مطابق پنجاب کے شہر گجرات میں گرمی کی شدت میں روز بروز اضافہ کے پیش نظر صوبائی وزیر تعلیم رانا مشہود نے اعلان کیا تھا کہ چوبیس مئی سے پندرہ اگست تک تمام سرکاری اور نجی سکول بند رہیں گے.
صوبائی وزیرتعلیم کا کہنا تھا کہ اگرکوئی نجی اسکول کھلا ہوا پایا گیا تو ناصرف اس اسکول کی رجسٹریشن منسوخ ہو گی بلکہ اسکول بھی سیل کر دیا جائے گا.
صوبائی حکومت کے احکامات کے باوجود گجرات میں نجی اسکول مالکان نے اپنے تعلیمی ادارے کھلے رکھنے کا اعلان کرتے ہوئے اپنی تعلیمی سرگرمیاں جاری رکھیں جبکہ پولیس اور ضلعی انتظامیہ مکمل طور پر بے بس نظر آتی ہے.
0
20
