لاہور : پاکستان تحریک انصاف کے چیئرمین عمران خان نے الیکشن کمیشن کی جانب سے صوبہ پنجاب کے انتخابات ملتوی کرنے پر اپنے شدید ردعمل کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ الیکشن کمیشن نے انتخابات ملتوی کرکے آئین شکنی کی ہے، اب پورے پاکستان کو عدلیہ اور وکلاء برادری کے ساتھ کھڑا ہونا ہوگا۔
By postponing Punjab elections till Oct ECP has violated the Constitution. Today everyone must stand behind the legal community – the judiciary & lawyers – with expectation that they will protect Constitution. For if this is accepted today then it is the end of Rule of Law in Pak
— Imran Khan (@ImranKhanPTI) March 22, 2023
عمران خان کا کہنا تھا کہ قوم کو امید ہے کہ عدلیہ اور وکلاء برادری آئین پاکستان کا تحفظ کرے گی، خاموش رہے تو مطلب پاکستان میں قانون کی حکمرانی ختم ہوگئی۔
اپنے پیغام میں ان کا کہنا ہے کہ آئین میں واضح لکھا ہے کہ الیکشن 90دن میں ہوں گے، ہم نے اسمبلیاں اسی امید سےتحلیل کی تھیں کہ90 روز میں الیکشن ہوگا۔
We dissolved our 2 provincial legislatures with expectation that elections would be held in 90 days as clearly given in our Constitution. We did not take this action to allow a bunch of fascists to impose a reign of terror, violating the Constitution & Rule of Law.
— Imran Khan (@ImranKhanPTI) March 22, 2023
چیئرمین پی ٹی آئی نے کہاکہ ہم نے اسمبلیاں اس لیے نہیں توڑی تھیں کہ فسطائی گروہ ظلم وجبرکا راج مسلط کرے، فسطائی گروہ ملک میں آئین و قانون کی حکمرانی کو پامال کررہا ہے۔
واضح رہے کہ الیکشن کمیشن آف پاکستان کی جانب سے پنجاب کے انتخابات ملتوی کردیے گئے ہیں، اب انتخابات 8 اکتوبر کو ہوں گے جبکہ سپریم کورٹ نے پنجاب اور کے پی میں 30 اپریل کو انتخابات کروانے کا حکم دیا تھا۔
