لاہور‌: پنجاب فوڈ اتھارٹی نے جوسز میں خالص پھلوں اورغیر قدرتی اجزاء کی مقدار کا تعین کرتے ہوئے ڈبے کے جوسز بنانے والی تمام کمپنیوں کو ہدایت نامہ جاری کردیا ہے۔

تفصیلات کے مطابق پنجاب فوڈ اتھارٹی نے ڈبے والے جوسز کی تمام کمپنیز کو ہدایت نامہ جاری کیا ، جس میں جوسز میں پھلوں کے خالص اجزاء ، غیرقدرتی اجزا کی مقدار کا تعین کردیا ہے۔

پنجاب پیور فوڈ ریگولیشنز 2017 کے مطابق کمپنوں کو ہدایت کی گئی ہے کہ جوس کے ڈبوں میں خالص اجزاء کی مقدار 50 فیصد اور غیرقدرتی اجزا کی مقدار 10فیصد ہونے چاہئیں۔

ڈی جی فوڈ اتھارٹی کا کہنا ہے کہ تمام کمپنیاں جوسز کے لیبل پر اجزاء کی مقدار واضح لکھیں اورتصدیق شدہ سرکاری لیبل استعمال کیے جائیں۔

نورالامین مینگل نے کہا کہ پچیس ستمبر تک ہدایات پرعمل نہ کرنے والی کمپنیوں کے خلاف کارروائی کی جائے گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔