لاہور : پنجاب حکومت نے اسموگ کے خاتمے کیلئے چینی ماہرین سے رہنمائی حاصل کر لی ،سیکرٹری زراعت نے کہا کہ بڑھتی آبادی، ٹرانسپورٹ اور صنعتی سرگرمیاں سموگ کی بنیادی وجوہات میں شامل ہیں۔
تفصیلات کے مطابق صوبے میں اسموگ کے خاتمے کیلئے پنجاب حکومت کےعملی اقدامات جاری ہے، پنجاب حکومت نے اسموگ کے خاتمے کیلئے چینی ماہرین سے رہنمائی حاصل کر لی۔
سیکرٹری زراعت نادرچٹھہ پنجاب سے اسموگ کنٹرول کیلئے آئے چین کےاعلیٰ سطح وفد کی ملاقات ہوئی، نادرچٹھہ نے کہا کہ اسموگ کنٹرول کیلئےچینی ماہرین کے تجربات اور مہارت ہمارے لئے فائدہ مندہوگی۔
سیکرٹری زراعت کا کہنا تھا کہ پنجاب میں سالانہ گندم کی کاشت6.4ملین ایکڑ،دھان کی2.6 ملین ایکڑہوتی ہے جبکہ گندم کی مشینی کاشت31فیصد اور کٹائی مشینوں سے69فیصد کی جاتی ہے ، اسموگ بننے میں زراعت کا صرف 20 فیصدحصّہ ہے۔
انھوں نے بتایا کہ دھان کی کٹائی کے بعد بھارت میں زیادہ رقبہ پرآگ لگنےسےفضائی آلودگی ہوتی ہے، بڑھتی آبادی، ٹرانسپورٹ،صنعتی سرگرمیاں سموگ کی بنیادی وجوہات میں شامل ہیں۔
چینی قونصل جنرل کا کہنا تھا کہ چینی ماہرین سےملاقات کا مقصد آئیدیاز، نالج اور تجربات کی باہمی شئیرنگ ہے۔
