The news is by your side.

Advertisement

عوام نے اپوزیشن کی احتجاج کی کال مسترد کر دی: وزیر اطلاعات پنجاب

لاہور: وزیر  اطلاعات پنجاب میاں اسلم اقبال نے کہا کہ عوام نے اپوزیشن کی احتجاج کی کال مسترد کر دی.

ان خیالات کا اظہار انھوں نے اپوزیشن کے یوم سیاہ پرردعمل دیتے ہوئے کیا. ان کا کہنا تھا کہ یوسم سیاہ اس وقت منانا چاہیے تھا، جب مودی نے کشمیرمیں قتل عام کیا تھا، یہاں تو بھارتی وزیراعظم کو اپنے گھر شادی پربلایا گیا تھا.

مسلم لیگ ن اختلافات کا شکار ہے، مریم نواز کا ایک، شہباز شریف دوسرا بیانیہ ہے

انھوں نے کہا کہ آج ن لیگ اور پیپلزپارٹی ایک دوسرے کی تعریفیں کر رہے ہیں، اپوزیشن پرپہلے بھی کرپشن کا داغ تھا اور اب بھی ہے.

میاں اسلم نے کہا کہ عدالت نےمہرثابت کی ہے یہ لوگ کرپٹ ہیں، جس نےبھی ملک کاپیسہ لوٹا ہے، ان کا احتساب بلاتفریق ہوگا۔

عدالتوں نےثابت کر دیا کہ عمران خان بات ٹھیک کرتے تھے، ہم اداروں کے پیچھے کھڑے ہیں، سیاسی مقاصد کے لئے اداروں کواستعمال نہیں ہونے دیں گے، بہت سے کیسز آنے والے وقتوں میں حقیقت سے پردہ اٹھائیں گے.انھوں نے کہا کہ اپوزیشن لوگ اکٹھے نہیں کرسکی تو حکومت پرالزام لگا رہی ہے، آپ سے لوگ جمع نہیں ہوپا رہے، تو میں 5 منٹ کی کال پرکردوں گا.

مزید پرھیں: 25جولائی کو عوام نے عمران خان کی قیادت میں مافیا کو شکست دی، فوادچوہدری

آج عوام عمران خان کے ساتھ یوم تشکر کے طور پر کھڑے ہیں، ہمارے وزیراعظم نے دنیا میں پاکستان کا قد بڑھایا ہے، منفی سیاست کی وجہ سے اپوزیشن چند کرسیاں بھی نہیں بھرپائی، احتجاج کے لئے اپوزیشن کی کال کوتاجربرادری نے مسترد کیا، مال روڈپرٹریفک رواں دواں ہے،کاروبارزندگی چل رہاہے.

انھوں نے کہا کہ پی ٹی آئی کی مخالفت کریں ہم تنقید بالکل نہیں کریں گے،م لیکن ملک کی مخالفت کرنے والوں کو منہ توڑ جواب دیں گے، کرپٹ عناصرنےکرپشن بچاؤمہم کا میلہ لگانے کی کوشش کی.

انھوں نے کہا کہ مسلم لیگ ن اختلافات کا شکار ہے، مریم نواز کا ایک، شہباز شریف دوسرا بیانیہ ہے، بھائیوں کا الگ، داماد کا الگ اور سمدھی کا الگ بیانیہ ہے.

Comments

یہ بھی پڑھیں