لاہور : پنجاب لوکل گورنمنٹ ترمیمی ایکٹ 2024 کی تفصیلات سامنےآگئیں، جس میں حکومت نے لینڈ مافیا کے گرد شکنجہ کس لیا۔
تفصیلات کے مطابق بلدیاتی حکومت سے متعلق پنجاب حکومت کا نیا فارمولہ سامنے آگئی، صوبائی حکومت نے لینڈ مافیا کے گرد شکنجہ کس لیا۔
پنجاب لوکل گورنمنٹ ترمیمی ایکٹ 2024 کی تفصیلات سامنےآگئیں ، جس میں بتایا گیا کہ دیہات میں بنی ہاؤسنگ اسکیمیں بھی ٹیکس نیٹ میں شامل ہوں گی، لینڈ مافیا دیہات میں اسکیمیں بنا کر ٹیکس نیٹ سے بچا کرتے تھے۔
ٹیکس شہری غیر منقولہ جائیداد ٹیکس ایکٹ 1958 کے تحت لگایا جائے گا، بل کابنیادی مقصد پنجاب فنانس ایکٹ2024 کے ساتھ ہم آہنگی پیدا کرنا ہے۔
ٹیکس کے اطلاق کا دائرہ کار شہری علاقوں میں بھی وسیع کیا جائے گا ، شہری علاقوں کی حدود میں تمام غیر منقولہ جائیدادیں ٹیکس نیٹ کا حصہ ہوں گی۔
جائیداد کی مالیت اوردیگر معیارات کے مطابق ٹیکس کی تشخیص کی جائے گی ، ٹیکس وصولی پنجاب حکومت کا مقرر کردہ ادارہ کرے گا۔
ٹیکس سے اکھٹے ہونے والے پیسے لوکل گورنمنٹ کومنتقل کیے جائیں گے ، لوکل گورنمنٹ اپنے علاقوں کی ترقی اور بہتری کیلئے ٹیکس استعمال کر سکیں گے۔
