تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

گورنر پنجاب عمر سرفراز چیمہ نے ذمے داریاں سنبھال لیں

نئے گورنر پنجاب عمر سرفرازچیمہ نے اپنی ذمے داریاں سنبھال ہیں ہیں انہوں نے گورنر ہاوس میں اسٹاف اور ملازمین سے ملاقاتیں کیں۔

اے آر وائی نیوز کے مطابق صوبہ پنجاب کے نئے گورنر عمر سرفراز چیمہ نے اپنی ذمے داریاں سنبھال لی ہیں۔ عمر سرفراز نے منگل کے روز گورنر ہاوس میں اسٹاف اور ملازمین سے ملاقاتیں کیں۔

اس موقع پر عمر سرفراز چیمہ نے کہا کہ مضبوط اور خوددار وطن کی جدوجہد میں 26 سال سے شامل ہوں وزیر اعظم جو اعتماد کیا اس پر تہہ دل سے شکر گزار ہوں اور ان کے وژن کو آگے بڑھانے کیلیے کردار جاری رکھوں گا۔

عمر سرفراز چیمہ نے مزید کہا کہ میرے ذمے داریاں سنبھالنے کے پہلے روز وزیراعظم گورنر ہاؤس آرہے ہیں، وزیر اعظم پارٹی کے سینئر رہنماؤں، پارلیمنٹرینز اور کارکنوں سے ملاقات کرینگے۔

واضح رہے کہ سابق گورنر پنجاب چوہدری سرور کی برطرفی کے بعد عمر سرفراز چیمہ کو نیا گورنر پنجاب نامزد کیا گیا تھا۔

مزید پڑھیں: عمر سرفراز چیمہ نے گورنر پنجاب کے عہدے کا حلف اٹھا لیا

عمر سرفراز چیمہ نے 3 اپریل کو نئے گورنر پنجاب کے عہدے کا حلف اٹھایا تھا۔

Comments

- Advertisement -